Noodhulpliga - Blog by First Aid League

‘n Splinternuwe Kursus

Wed, 24 Jul 2024 14:31:38 +0000

Ons begin DV Augustus met ‘n splinternuwe kursus – die noodhulp instrukteurskursus.

Indien jy in besit van ‘n gevorderde noodhulp sertifikaat is, en lus het om opleiding te doen is hierdie kursus vir jou.

Dalk is opleiding jou sterk punt, of dalk is jy soos baie van ons lief vir noodhulp en wil graag jou kennis met ander deel.

Jou gevorderde noodhulp sertifikaat moet steeds geldig wees, en indien nie, kan jy die kursus by ons doen.

Die SA Noodhulpliga spesialiseer in noodhulp opleiding. Jy kan die basiese, intermediêre en gevorderde kursusse almal by ons doen.

Die basiese kursus is ‘n twee-dag kursus.

Die basies en intermediêre kursus (kombinasie) is oor drie dae.

Die gevorderde kursus is ‘n vyf-dag kursus.

Ons het ook ‘n aanlyn kursus. Die basies en intermediêre kursus is beskikbaar in aanlyn formaat. Die teorie word aanlyn gedoen in jou eie tyd. Ons benodig dan een dag vir die praktiese assessering. Hierdie kursus is tydens inperking ontwikkel, en is baie gewild. Dit is goedkoper as die drie-dag kursus en boonop spaar jy twee dae opleiding.

En dan – ons nuwe instrukteurskursus is ‘n vyf-dag kursus. Indien jy hiervoor kwalifiseer en belang stel, kontak gerus vir Marina by marina@firstaidleague.co.za.

Ons hoop om jou binnekort by een van ons klasse te ontmoet.

Wees ŉ held en voorbereid om iemand se lewe tydens ŉ noodsituasie te red.

Van almal by Die SA Noodhulpliga

Gaan terug

Dit is Wintervakansie

Thu, 13 Jun 2024 11:58:48 +0000

Uiteindelik is die winter hier, en die verkiesing verby en ons het ‘n kursus waarmee ons almal se harte hopelik gaan warm maak.

Vanaf Augustus 2024 bied ons DV weer eens die SA Noodhulpliga se instrukteurskursus aan. Die kursus is oor vyf dae en dit is vir mense wat reeds die gevorderde noodhulp kursus gedoen het. Die kursus is spesifiek van toepassing op noodhulp opleiding.

Dit gaan by ons hoofkantoor in Centurion aangebied word. Die eerste datum is reeds in Augustus.

Die winter skoolvakansie is om die draai en ek ruik kampvuur en biltong in die lug. Mag almal wat op reis gaan en ‘n vleisie oor die kole gaan braai iewers in die veld, dit baie geniet. Aan die jagters – onthou maar die wat by die huis agterbly wat sal hou van ‘n stukkie biltong of wildsvleis. Mag almal veilig reis.

Aan die skoolkinders – geniet die wintervakansie, op reis of by die huis. Ons sien altyd uit om kinders in noodhulp op te lei. Onthou ook ons aanlyn opsie wat baie gewild is omdat slegs een dag benodig word vir die praktiese assessering.

Rustige wintervakansie aan almal.

Van almal by die SA Noodhulpliga.

Gaan terug

Eerste Mei - Werkersdag

Tue, 30 Apr 2024 13:45:00 +0000

In Suid-Afrika staan 1 Mei bekend as Werkersdag. Elders in die wêreld staan dit bekend as Mayday. Op dié dag word arbeiders van elke nasie en die bydraes wat hulle tot die groei van die nasie lewer, herdenk. Daar is ‘n lang geskiedenis om werkers te waardeer en hul uitdagings te erken. Die pad was nie altyd maklik nie.

Laat my toe om die sentimentele lied van die Bee-Gees te deel.

Hoop NIE jy huil môre op die 1e Mei nie.
Mag dit ‘n mooi dag wees.

First of May:

When I was small and Christmas trees were tall
We used to love while others used to play
Don't ask me why but time has passed us by
Someone else moved in from far away

Now we are tall and Christmas trees are small
And you don't ask the time of day
But you and I, our love will never die
But guess we'll cry come first of May

The Apple tree that grew for you and me
I watched the apples falling one by one
And I recall the moment of them all
The day I kissed your cheek and you were gone

Now we are tall and Christmas trees are small
And you don't ask the time of day
But you and I, our love will never die
But guess we'll cry come first of May

When I was small and Christmas trees were tall
Do-do-do-do-do-do-do-do-do
Don't ask me why but time has passed us by
Someone else moved in from far away

Songwriters: Maurice Ernest Gibb, Robin Hugh Gibb, Barry Alan Gibb. For non-commercial use only.

https://youtu.be/bVpC4sn9bgU?si=MBqhvgZ4UGmTshb5

Gaan terug

Paasfees - In watter Mandjie sit jy jou eiers?

Wed, 27 Mar 2024 13:21:39 +0000

Paulus sê 1 Kor. 15 vers 17 as Christus nie opgewek is nie, dan is ons geloof nutteloos, dan is ons nog in ons sondes. Indien Christus nie opgestaan het nie, dan verkondig ons ‘n vals evangelie. Dan kan ons net sowel eet, drink en vrolik wees, want môre sterf ons. Paulus plaas dus al sy paaseiers in die opstandingsmandjie.

As dit nie gebeur het nie, dan is Christenskap ‘n bedrogspul. Ons kan net sowel vergeet daarvan en die res van ons lewens soos vrate deurbring.

Maar – ons glo met ons hele hart dat Jesus fisies, liggaamlik en permanent opgestaan het.

Hoe wonderlik is dit nie!

Die SA Noodhulpliga wens almal ‘n rustige en mooi Paasfees toe. Mag jou hoop in die opstanding jou groot vrede gee. Mag jy en jou gesin ‘n lieflike naweek saam geniet.

Indien jul weggaan – reis veilig en bly gesond.

Van almal by Die SA Noodhulpliga.

Gaan terug

Ken die Noodnommer

Mon, 26 Feb 2024 07:31:16 +0000

Nou ja, ons het darem JannieWorry maand oorleef. En dit lyk asof hierdie jaar, soos verlede jaar, vlerke het en vlieg.

2024 se groot storie in Suid-Afrika is sekerllik die verkiesing, en dit sal ons media en gedagtes vir ‘n groot deel van die jaar besig hou.

Gisteraand het die wind baie sterk gewaai in Pretoria, en vanoggend oppad werk toe het die strate vol takke en hier en daar ‘n ontwortelde boom, gelê.

Net anderkant die Fonteinesirkel is daar ‘n opeenhoping van voertuie. Stadig om die draai, sien ons ‘n brandweerwa. Eers vermoed ek dit is ‘n motorongeluk. Gelukkig nie, die brandweerwa is daar om ‘n boom wat op die teerpad geval het, uit die pad te kry.

Ek sien die brandweerman trek spesiale skoene aan, ‘n oorpak, en handskoene. En ek dink hoe gevaarlik so ‘n werk is, hoe maklik iemand vinnig om die draai in die wa vasry, of die enorme boom wat kan meegee. Ek dink hoe sekere mense se werk altyd is om die ongeluk of ramp op te ruim.

En tog kan die grootste ramp binne in ‘n huis gebeur, waar kinders sonder toesig naby water speel, of ‘n bejaarde persoon wat val of ‘n hartaanval kry.

Dit is belangrik om die noodnommer van jou omgewing byderhand te hê.

Die nommer wat ons aanbeveel is 087 655 1800. Hierdie nommer het 24/7 iemand aan diens by ‘n oproep sentrum, en sal die ambulans naaste aan die ongevalle na jou toe stuur.

En dan, natuurlik, doen self ‘n noodhulp kursus, sodat jy toegerus is om ‘n situasie te hanteer, totdat die ambulans of dokter opdaag.

Vriendelike Groete

Almal by Die SA Noodhulpliga.

Gaan terug

Voorspoed vir 2024

Wed, 10 Jan 2024 07:53:41 +0000

2023 sal sekerlik onthou word vir die wêreldbeker wat ons gewen het. Hoe heerlik was dit nie – die opwinding, die senuwees, die saamstaan en die uiteindelike finale wen. Daardie lekkerte gaan ons nog lank saamdra.

Boonop was daar die goeie nuus dat noodhulp deur die QCTO (Quality Council for Trade and Occupation) gelys is, en dat alle noodhulp verkaffers kan aansoek doen vir akkreditasie.

Benamings word verander en ons praat nie meer van Vlak 1, 2 of 3 nie. In die toekoms word na die kursusse verwys as Basiese Noodhulp, Intermediêre Noodhulp en Gevorderde Noodhulp. Die sertifate gaan ook die kursusse so aandui.

Ons aanlyn kursus bly ‘n treffer. Dit is veral gewild by skole. Die teorie word aanlyn gedoen, en ons benodig dan slegs een dag vir die praktiese assessering. Heelwat skole het hierdie opsie gevolg. Dit is ‘n kombinasie Basies- en Intermediêre kursus. ‘n Intermediêre sertifikaat word uitgereik.

Ons reeks van noodhulpkiste het ook uitgebrei – ons het ‘n wye verskeidenheid baie bekostigbare (en mooi) kiste en sakke. Ons standaard sak is ‘n mooi rooie met ‘n Regulasie 7 inhoud. Daar is ook kleiner sakke vir die motor of handsak, asook ‘n lekker groot groen plastiekboks.

Sodra die skole begin, en sportbyeenkomste vroeg in die jaar afskop, is ons natuurlik gereed om met noodhelpers by te staan. Ons pryse is weer eens baie billik, en ons help graag.

Aan al ons kliënte, mag 2024 jou wildste drome oortref. Mag dit met jou goed gaan en mag jy veilig bly.

Van almal by Die SA Noodhulpliga.

Gaan terug

QCTO Uiteindelik

Mon, 09 Oct 2023 07:11:33 +0000

Uiteindelik is noodhulp opleiding gelys by Quality Council for Trades and

Occupation (QCTO). Die lang wag is verby en nou kan ons aansoek doen om akkreditasie vir drie kursusse:

Basic Emergency First Aid Responder
Intermediate Emergency First Aid Responder
Advanced Emergency First Aid Responder

Ons is dus op koers om so spoedig moontlik akkreditasie by QCTO te kry. Ons sal dit op ons Facebook bladsy bekend maak en sommer ook ‘n bottel sjampanje knak wanneer dit gebeur.

Intussen lewer ons steeds noodhulp bystand by sportgeleenthede en het ook ‘n splinternuwe noodhulpsak – ‘n mooi rooie. Die SA Korfball Federation is oppad na die wêreldbeker in Taipei. Die SA Noodhulpliga het twee van hierdie regulasie 7 noodhulpsakke aan die span geskenk, so ons gaan saam wêreldbeker toe. Alle sterkte aan die span. En kan enigiemand glo dat dit reeds Oktobermaand is? Pretoria se strate is pragtig pers.

Aan almal wat eksamen skryf – sterkte, die vakansie is amper hier.

Tot volgende keer.

Wees veilig.

Gaan terug

Noodhulp as Ruilmiddel

Wed, 12 Jul 2023 13:43:00 +0000

Ek kyk gisteraand na ‘n meer as twee uur lange film.

Dit is ‘n biografiese oorlogfilm wat deur Jean-Jacques Annaud vervaardig is.

Dit is baseer op die verhaal van SS sersant Heinrich Harrer’s se memoir Seven Years in Tibet. Hy is ‘n oorlogsgevangene en ontsnap. Die storie gaan oor sy ervaringe tussen 1944 en 1951.

‘n Jong Brad Pitt speel die hoofrol, en die musiek is deur John Williams. Daar is selfs musiek van Yo-Yo Ma.

Dus sag op die oog en die oor.

Die film speel af in die ys en daarmee kon ek bietjie identifiseer, met Gauteng wat die eerste keer in tien jaar sneeu sien. Darem was ek warm en nie honger nie.

In die haglike omstandighede, voordat die hoofkarakter begin vestig en vriende maak met die veertiende Dalai Lama, wat toe ‘n kind was, is die verkryging van kos die grootste uitdaging.

Hulle ruil enigiets wat hul het vir kos. En daar haal hy toe ‘n klein blikkie uit. Dit is ‘n wit blikkie met rooi letters daarop – First Aid Kit.

Uit die blikkie haal hy toe sy ruilmiddel – ‘n papier wat gehawend aandui Inventory and Notes for Use.

Ek kon nie anders as lekker kry nie.

Dat ‘n noodhulp dokument as ruilmiddel vir kos gebruik word.

So – kyk die fliek as jy tyd het en hou van stories wat deur ware gebeure inspireer is.

En dan – maak seker jou noodhulpkis is op datum en jou sertifikaat is nog geldig.

Intussen – bly warm.

Uit ‘n snerpende koue Pretoria.

Gaan terug

Dit was herfs en dit was winter

Fri, 12 May 2023 13:30:00 +0000

Dit was aand en dit was môre – so lui die skeppingsverhaal.

Die seisoene voel ook bietjie so.

Die een dag is dit nog warm somer. Die volgende dag dra ek ‘n trui oor my somersrok werk toe.

‘n Week later trek ek elke oggend ‘n langmou T-hemp onder my klere aan, nog met sandale.

En dan dra ek stewels, met dik kouse.

Dit was somer, dit was herfs, en toe is dit winter.

Ons kantore in Centurion is vroeg-jaar al koud. Hier is bome op die perseel waar vinke nes maak. Die een groot boom het verlede week omgeval.

Die boom is toe afgekap en daarmee saam die klimop plante wat wild gegroei het.

Die vinknessies het ongelukkig ook in die slag gebly. Maar skielik is daar son. Heeldag lank. Te lekker!

So, hier sit ek nou in my sonnige kantoor, tas gepak, oppad Kaapstad toe vir ‘n troue die naweek. Maar dáár sê hulle is dit bibberkoud. Die SA Weerdiens se voorspelling op Google gee temperature onder 20 grade die hele naweek. Vir ‘n Pretorianer is daai baie koud.

En tog kan ons ons verwonder aan die skepping – die draai van die seisoene. En ons kan in ‘n onstuimige tyd weet, dat die Skeppergod wat die son deur my kantoorvenster laat skyn, ook die Een is wat die nasies in die palm van Sy hand hou.

Wat ‘n troos.

Die SA Noodhulpliga-span.

Gaan terug

Dis n Nuwe Jaar

Tue, 22 Nov 2022 13:15:00 +0000

Sjoe! Ons is vinnig oppad Februarie toe.

Na ‘n week se breuk in Desember tussen Kersfees en Nuwejaar, is Die Noodhulpliga se personeel almal terug op kantoor.

Die Fase 6 beurtkrag maak ons net meer kreatief. Ons weier om in ‘n staat van moedeloosheid te verval. Ons kan steeds met ons werk voortgaan en is dankbaar vir kliënte wat ons jare lank ondersteun.

Saam-saam gaan ons die Nuwejaar in.

Ons poog steeds om die beste opleiding teen die beste pryse te lewer. Verhoudings met kollegas en verskaffers is uiters belangrik en om met almal lekker saam te werk, ons doel vir die jaar.

Die Noodhulpliga is registreer by die Departement van Arbeid en ons het ook ‘n HWSETA nommer.

Ons aanlyn kursus is steeds gewild, en alle geskeduleerde opleidingsdatums kan op ons twee webblaaie gesien word, by

https://noodhulpliga.co.za/opleiding/ – rol af tot by Waar en Wanneer

Mooi wense aan almal en hou moed!

Die SA Noodhulpliga-span.

Gaan terug