Bemagtiging van Eerste Ouers deur Basiese Noodhulpvaardighede
Ter viering van Kindergesondheidsmaand kyk ons na noodhulpopleiding as ʼn middel om nuwe ouers vertroue, gemoedsrus en kennis te gee, sodat hulle vinnig in mediese noodgevalle kan optree.
Om vir die eerste keer ouer te word, is een van die mees vreugdevolle én oorweldigende ervarings in ʼn mens se lewe. Die eerste maande is ʼn warrelwind van emosies – van slapelose nagte tot daardie eerste glimlag wat jou hart vermurwe. Saam met al die mylpale, kom ook die verantwoordelikheid om jou kleintjie veilig te hou.
Die Suid-Afrikaanse Noodhulpliga moedig hierdie Kindergesondheidsmaand alle nuwe en verwagtende ouers aan om in noodhulpkundigheid te belê. Wanneer dit by jou kind se gesondheid kom, is dit nie net nuttig om te weet wat om te doen nie, maar dit gee jou as ouer ook die gemoedsrus dat jy ʼn krisis situasie sal kan hanteer.
Hoekom is noodhulpkennis noodsaaklik vir eerste ouers:
Mens dink dalk noodsituasies is skaars en dat jou instink sal oorneem. Paniek en vrees vir ʼn gebrek aan kennis kan egter eenvoudige situasies oorweldigend laat voel.
Hier is net ’n paar alledaagse voorbeelde:
- ’n Kleuter verstik aan ’n druiwekorrel.
- ’n Baba ontwikkel skielik ‘n hoë koors.
- ’n Kruipende baba kry ’n los muntstuk en sluk dit in.
Hierdie is werklikhede wat enige tyd kan gebeur. Elke minuut tel. Noodhulpkennis help jou om die situasie vinnig op te som, met selfvertroue op te tree en lang-termyn skade te voorkom en selfs ʼn lewe te red.
Wat elke nuwe ouer moet weet:
Wat elke nuwe ouer moet weet:
Die SA Noodhulpliga beveel aan dat elke nuwe ouer ʼn geakkrediteerde noodhulpkursus vir babas en kinders volg. Tipiese onderwerpe wat behandel word, sluit in:
- KPR (kardiopulmonêre resussitasie) vir babas en kleuters.
- Verstikking en lugwegblokkades.
- Brandwonde en voorkoming van letsels.
- Allergiese reaksies en anafilakse.
- Wondsorg en bloedingbeheer.
- Koors, stuiptrekkings en skok.
Jy benodig geen mediese kennis nie, slegs duidelike, praktiese leiding en bystand deur gekwalifiseerde instrukteurs.
Waar om te begin:
Waar om te begin:
Of jy nou swanger is, pas jou baba huis toe gebring het, of ’n aktiewe kleuter het, dit is nooit te laat om te leer nie. Die Suid-Afrikaanse Noodhulpliga bied aan:
- Noodhulpwerkswinkels in persoon in Gauteng.
- Privaat groepsbesprekings vir voorgeboortegroepe, skole en gemeenskapsorganisasies.
- Kinderfokus-vlakke van noodhulpopleiding vir ouers, dagsorgsentrums, kleuterskole, versorgers en onderwysers.
Besoek www.firstaidleague.co.za vir ons opleidingskedule.
Bemagtig jouself hierdie Kindergesondheidsmaand:
Bemagtig jouself hierdie Kindergesondheidsmaand:
Ouerskap kom nie met ʼn handleiding nie. Jy kan egter jouself bemagtig deur opleiding. Neem hierdie Kindergesondheidsmaand ʼn besluit tot voordeel van jou gesin se veiligheid, deur noodhulp aan te leer.
Kalmte en selfversekerdheid deur voorbereiding, beskerm nie net jou kind nie maar leer hulle ook dat kennis bemagtig.
Vir meer inligting oor ons verskeidenheid noodhulpopleidingskursusse, besoek ons webwerf by https://www.noodhulpliga.co.za/opleiding of skakel ons gerus by 012 644 0918.
